Englandsbanki, seðlabanki Bretlands, hefur hækkað meginvexti bankans úr 0,1% í 0,25% í von um að stemma stigu við vaxandi verðbólgu í landinu. Verðbólga í Bretlandi mældist 5,1% í nóvember en hún hefur ekki verið meiri í áratug, líkt og Viðskiptablaðið greindi frá á dögunum.
Í tilkynningu segir bankinn að hann hafi þurft að bregðast við verðbólgunni með fullum þunga, jafnvel þótt Ómíkron afbrigði kórónuveirunnar dreifist með miklum hraða um Bretland. Í fundi peningstefnunefndar samþykkti yfirgnæfandi meirihluti nefndarmanna vaxtahækkunina, eða átta af níu nefndarmönnum.
Bankinn býst við því að verðbólgan fari upp í 6% á næsta ári.
Here is how rates now look in historical context. Still remarkably low... pic.twitter.com/t7U4vwGYDw
— Times Business (@TimesBusiness) December 16, 2021