Annar aðaleigandi enska knattspyrnuliðsins Tottenham Hotspur, Joe Lewis, er í nýjum hluthafahópi MP banka. Einnig mun breska Rowland-fjölskyldan, sem keypti rekstur Kaupþings í Lúxemborg og breytti nafninu í Banque Havilland, vera í hluthafahópnum. Auk þeirra mun þriðji erlendi fjárfestirinn koma inn í nýjan hluthafahóp bankans. Ekki hefur fengist staðfest hver hann er.

Samkvæmt upplýsingum Viðskiptablaðsins munu erlendu fjárfestarnir eiga allt að 20% hlut í MP banka. Þar af mun Rowlandfjölskyldan eignast um 10% hlut.

Nánar er fjallað um málið í Viðskiptablaðinu sem kom út í dag. Áskrifendur geta nálgast blaðið hér að ofan undir liðnum Tölublöð.