Breski fjárfestirinn John Robert Porter, aðaleigandi Global Supply System, ásamt norska fjárfestinum Christen Ager-Hanssen, stefnir að því að ná meirihluta í sænska lággjaldaflugfélaginu FlyMe Europe, segir í frétt Dow Jones.

Ager-Hansen sagði í viðtali við Dow Jones fréttastofuna að Porter hyggist fjárfesta í Cognition Captial, sem á 26,16% hlut með atkvæðisrétt í FlyMe, en Ager-Hansen er einn stærsti hluthafi Cognition.

Cognition keypti nýverið 20% hlut Fons eignarhaldsfélags í FlyMe Europe.