*

þriðjudagur, 30. nóvember 2021
Erlent 12. október 2018 09:04

Brexit samningur í sjónmáli

Theresa May kynnti málið fyrir sínum nánustu samstarfsmönnum í gær. Töluverð andstaða ríkir hinsvegar meðal þingmanna.

Ritstjórn
Theresa May, forsætisráðherra Bretlands og formaður Íhaldsflokksins.
epa

Forsætisráðherra Bretlands, Theresa May, kynnti drög að samningi við Evrópusambandið um útgöngu Bretlands fyrir nánustu samstarfsmönnum sínum í gær. Efasemdamenn innan flokks hennar, Íhaldsflokksins, óttast hinsvegar að landið festist í tollabandalagi um ókomna tíð. Financial Times greinir frá.

Samningurinn gæti orðið henni dýrkeyptur heima fyrir. Minnihlutastjórn Íhaldsflokksins er studd af Lýðræðissambandsflokknum (Democratic Unionist party), en þingmenn hans hafa hótað að kjósa gegn samningnum.

Þar að auki eru tveir ráðherrar sagðir vera að íhuga alvarlega að segja af sér vegna málsins, og þingmenn hafa gagnrýnt samkomulagið fyrir að vera „tímabundið“ tollabandalag með engin skýr tímamörk.

Stikkorð: Brexit Theresa May