Horfur lyfjafyrirtækisins Alvogen Pharma US hafa versnað úr „stöðugum“ í „neikvæðar“, í nýju mati lánshæfisfyrirtækisins Moody‘s. Breytt mat Moody‘s byggist á auknum líkum að fyrirtækið nái ekki að halda skuldum undir fimmfaldri EBITDA á sama tíma og það horfi fram á hækkandi endurfjármögnunaráhættu (e. refinancing risk).

Skuldsetningarhlutfall Alvogen Pharma US hefur lækkað á síðasta ári en „er áfram mjög hátt“, samkvæmt frétt Yahoo . Það stafi meðal annars af töfum á sendingum í lykilsamningum ásamt því að lengri tíma hafi tekið að fá samþykki fyrir lykilvörur. Lánshæfiseinkunn lyfjafyrirtækisins hélst þó óbreytt.