Trausti Hafliðason hefur verið ráðinn ritstjóri Viðskiptablaðsins og tekur hann við af Bjarna Ólafssyni, sem gegnt hefur starfinu í þrjú og hálft ár. Ásdís Auðunsdóttir hefur verið ráðinn aðstoðarritstjóri en því starfi gegndi Trausti áður.
Trausti, sem hefur meistaragráðu í blaðamennsku frá Háskólanum í Arizona, hefur starfað í fjölmiðlum í tæp 20 ár. Hann var blaðamaður á Morgunblaðinu um tíma en einnig á Fréttablaðinu, þar sem hann var meðal annars fréttastjóri í átta ár. Trausti var um tíma ritstjóri Blaðsins og hann hefur starfað á Viðskiptablaðinu frá árinu 2013.
Ásdís, sem er lögfræðimenntuð, hefur starfað hjá Viðskiptablaðinu í ríflega eitt ár. Áður starfaði hún við ýmis lögfræðistörf.
