Brjánn Guðni Bjarnason var tekjuhæstur í flokki verkfræðinga á landinu í fyrra, en tekjur hans námu að jafnaði ríflega 5,6 milljónum króna, samkvæmt álagningarskrám ríkisskattstjóra. Brjánn Guðni útskrifaðist með BS í iðnaðarverkfræði frá Háskóla Íslands árið 2004, en lærði síðan fjármál í Grenole viðskiptaskólanum. Síðar starfaði hann í eignastýringu hjá bæði Íslandsbanka og síðar Kaupþing.
Þetta er meðal þess sem fram kemur í tekjublaði Frjálsrar verslunar sem kom út á þriðjudag. Í blaðinu má finna upplýsingar um tekjur ríflega 3.700 Íslendinga. Að þessu sinnir eru tveir nýir flokkar í blaðinu. Annars vegar yfir tekjur áhrifavalda á samfélagsmiðlum og hins vegar fasteignasala.
Næst launahæstur var svo Kjartan Gíslason verkfræðingur hja´Skovly ehf., með rétt tæplega 4,6 milljónir króna að jafnaði á mánuði eða rúmri milljón minna en Brjánn Guðni.
Fimm tekjuhæstu í flokki verkfræðinga og annarra sérfræðinga:
- Brjánn Guðni Bjarnason, verkfr. 5.640
- Kjartan Gíslason, verkfr. Skovly ehf. 4.551
- Finnur Breki Þórarinsson, hugbúnaðarverkfr. 4.547
- Sigurður R Ragnarsson, verkfr. ÍAV 4.400
- Jóakim Hlynur Reynisson, verkfr. Nova 3.318
Útreikningar Frjálsrar verslunar byggja á útsvarsskyldum tekjur á árinu 2018 og þurfa þær ekki að endurspegla föst laun viðkomandi. Munurinn getur falist í launum fyrir setu í nefndum og önnur aukastörf og hlunnindi vegna kaupréttarsamninga. Í launum sumra kann að vera falinn bónus vegna starfa á fyrri ára. Miðað er við útsvarsstofn samkvæmt álagningarskrá. Í tölunum eru ekki fjármagnstekjur, t.d. af vöxtum, arði eða sölu hlutabréfa. Sleppt er skattfrjálsum dagpeningum, bílastyrkjum og greiðslum í lífeyrissjóði.
Tekjublað Frjálsrar verslunar er komið út. Finna má blaðið á helstu sölustöðum en einnig má panta eintak
hér
.
