Ákveðið hefur verið að gera breytingar á markaðs- og sölustarfi HB Granda. Brynjólfur Eyjólfsson lætur af starfi framkvæmdastjóra markaðssviðs félagsins í dag og eru honum þökkuð vel unnin störf við uppbyggingu á öflugu markaðsstarfi félagsins á undanförnum árum. Þetta kemur fram í tilkynningu HB Granda til Kauphallarinnar.

Guðmundur Kristjánsson, forstjóri félagsins tekur við stjórn sviðsins á meðan endurskoðun á markaðs- og sölustarfi félagsins stendur yfir.