Búið er að sprauta fyrsta eintakið af Airbus A350XWB vélinni í litum evrópska flugvélaframleiðandans Airbus.
Vélinni var í dag rennt út úr sprautuverkstæði Airbus í Toulouse í Frakklandi. Eins og regla er hjá Airbus fær vélin skráningarnúmerið MSN001, en það á við um allar frumgerðir véla hjá Airbus.
Í fréttatilkynningu frá Airbus kemur fram að það hafi tekið sjö daga að sprauta vélina. Búist er við því að henni verði fyrst reynsluflogið í sumar.
Gert er ráð fyrir þremur línum af A350 vélinni. Þær eru A350-800 sem mun sitja um 270 farþega, A359-900 sem mun sitja um 314 farþega og A350-1000 sem mun sitja allt að 350 farþega.
Hér að neðan má sjá myndir af vélinni þegar hún var rennt á milli flugskýla í Toulouse í morgun.