Kjarasamningar hafa verið gerðir fyrir næstum níu af hverjum tíu starfsmönnum á almennum vinnumarkaði til fjögurra ára. Ef horft er til alls vinnumarkaðarins, að opinberum starfsmönnum meðtöldum, hafa kjarasamningar verið gerðir fyrir um tvo þriðju starfsmanna á landinu. SA greinir frá þessu á vef sínum.
Segir jafnframt að stóra myndin á vinnumarkaði sé því skýr eftir samninga við félög iðnaðarmanna 3. maí og Lífskjarasamninginn sem skrifað var undir 3. apríl.
