*

þriðjudagur, 26. október 2021
Innlent 29. mars 2021 12:55

Byggja listamannasetur á Kjalarnesi

Haraldur og Margrét Rut stefna á að opna listamannasetur, tónlistarstúdó og gallerí á Kjarlarnesi árið 2023.

Ritstjórn
Haraldur Þorleifsson
Haraldur Guðjónsson

Hjónin Haraldur Þorleifsson, stofnandi Ueno, og listakonan Margrét Rut Eddudóttir hyggjast byggja listamannasetur, tónlistarstúdíó og gallerí á Kjalarnesi. „Sjáumst árið 2023,“ skrifar Haraldur í færslu á Twitter.   

Hann segist hafa átt bágt með að trúa því þegar hann fann jörðina, sem sé síðasta ósnerta strandlengjan innan borgarmarka. 

Haraldur seldi Twitter hönnunarfyrirtæki sitt Ueno í byrjun ársins. Í lok mars greindi hann frá því að Twitter ætlaði samhliða kaupunum að opna skrifstofu í Reykjavík. Í janúarmánuði var útibú Twitter frá Hollandi skráð í fyrirtækjaskrá undir nafninu Twitter Netherlands B.V. útibú.

Sjá einnig: Setur upp 100 rampa og opnar kaffihús

Haraldur sagði frá því nýlega að hann ynni að því að stofna kaffihús með litlum kvikmyndasal á jarðhæð Tryggvagötu 11. Félag Haraldar, Unnarstígur ehf., keypti jarðhæðina á 135 milljónir króna í janúar síðastliðnum sem telur tæplega 390 fermetra.

Einnig stendur hann fyrir söfnunarátakinu Römpum upp Reykjavík. Markmið átaksins er að setja upp 100 rampa í miðborg Reykjavíkur fyrir fólk í hjólastólum á þessu ári.