Greiningarfyrirtækið Credit Sights lýsir efasemdum um að allt sé sem sýnist í íslensku bankakerfi í nýrri skýrslu.
Segir í skýrslunni að Kaupþing, Íslandsbanki og Landsbanki hafi tekið markaðinn með áhlaupi með útrás og útþenslu, sem hafi aukið hagnað gríðarlega.
Þá segir að að þessu hafi stuðlað aukið frelsi í íslensku viðskiptalífi. Mikill hagnaður bankanna, mikil eignagæði þeirra og sókn eftir fjármagni geri að verkum að bankarnir virðist njóta velgengni sem ekki sé að finnast annars staðar í Evrópu sem stendur.
?En er allt sem sýnist? Bóla á hlutabréfamarkaði, mikil tengsl milli eigenda í fjármála- og fyrirtækjageiranum, ójafnvægi í efnahagslífinu, og sú staðreynd að bankarnir reiða sig um of á söfnun fjármagns á markaði benda til þess að veruleg, og kannski vanmetin, kerfisbundin áhætta er fyrir hendi,? segir í skýrslunni.
