*

mánudagur, 27. september 2021
Innlent 23. desember 2020 12:28

Crowberry Capital fjárfestir í Danmörku

Crowberry Capital hefur ásamt ásamt nokkrum öðrum sjóðum fjárfest í dönsku hugbúnaðarfyrirtæki fyrir á sjötta hundrað milljónir króna.

Ritstjórn
Helga Valfells, Hekla Anardóttir og Jenný Ruth Hrafnsdóttir stofnendur Crowberry Capital.
Aðsend mynd

Íslenski fjárfestingasjóðurinn Crowberry Capital hefur ásamt fleiri sjóðum, fjárfest fyrir 4,4 milljónir Bandaríkjadollara, um 563 milljónir króna, í danska hugbúnaðarfyrirtækinu Dreamdata. Um er að ræða fjórðu opinberu fjárfestingaumferð sjóðsins í erlendu fyrirtæki.

Í samtali við Northstack segir Jenný Ruth Hrafnsdóttir, einn af stofnendum Crowberry, að það hafi alltaf verið hluti af stefnu sjóðsins að fjárfesta erlendis. Slíkt víkki sjóndeildarhring Crowberry auk þess að draga athygli meðfjárfesta þeirra að Íslandi.

Crowberry hefur áður fjárfest í erlendu félögunum Elsa Science, Engaging Care og Garden.io.