Dómstólar í Bretlandi hafa dæmt tvo Breta, Peter Hunter og David Smith, fyrir ólöglegt miðasölubrask . Þeir eru sagðir hafa keypt miða á tónleika margra af frægustu tónlistarmönnum heims og leiksýningar á West End í London selt áfram í gegnum miðasölusíður.
Mennirnir eru sagðir hafa notað nærri hundrað nöfn, 290 póstföng og svokallaða „botta“ eða þjarka til að kaupa miða fyrir alls 4 milljónir punda, um 660 milljónir króna árunum 2015 til 2017 á tónleika með tónlistarmönnum á borð við Ed Sheeran, Taylor Swift, Coldplay og Liam Gallagher sem og miða á leiksýningar. Miðarnir hafi svo verið seldir á vefsíðum á borð við Viagogo fyrir 11 milljónir punda, um 1,8 milljarða króna. Því til viðbótar hafi þeir haft miða til sölu sem þeir áttu ekki. Með þessum hætti hafi þeir komið í veg fyrir að aðdáendur hafi geta keypt miðana á kostnaðarverði.
Málið gæti haft miklar afleiðingar fyrir miðasölubraskara og miðsöluvefi sem framselja miða. Miðasölusíður á borð við Viagogo og StubHub eru undir þrýstingi vegna málsins fyrir að framselja miða með ólöglegum hætti.
