Gísli Marteinn Baldursson lýsir vonbrigðum sínum með stöðu Sjálfstæðisflokksins á Twitter í dag. Samkvæmt nýrri könnun Félagsvísindastofnunar fengi flokkurinn þrjá menn kjörna ef gengið yrði til kosninga í dag. Það yrði þá versta niðurstaða flokksins í borgarstjórnarkosningum.
„Mér finnst dapurlegt hvað vinum mínum í XD gengur illa. En þeir sem skrifa gengið á afstöðu Bjarna Ben í Icesave eru í tímamótarugli,“ segir Gísli Marteinn sem sat sjálfur i borgarstjórn á kjörtímabilinu en hætti þegar honum bauðst starf dagskrárgerðarmanns á RÚV.
Sem kunnugt er greiddi Bjarni Benediktsson atkvæði með Icesave-samningunum sem gerðir voru eftir að Lee Buchheit fór fyrir samninganefnd Íslands. Sú afstaða var harðlega gagnrýnd innan hans eigin flokks.
