Sala á gosdrykkjum í Bandaríkjunum minnkaði árið 2010 um 0.5%. Er það minni samdráttur en árin á undan sem var 2,1% árið 2009 og 3% árið 2008.
Sala á gosdrykkjum hefur ekki aukst milli ára í Bandaríkjunum síðan árið 2004. Þetta kemur fram á vef Fortune en blaðið vitnar í Beverage-Digest.
Mest seldi gosdrykkurinn, í lítrum talið, er Coke. Um margra ára skeið hefur Pepsi verið í öðru sæti þar til í fyrra en þá komst Diet Coke upp fyrir Pepsi.
Ekki var söluaukningu að þakka, heldur drógst salan á Diet Coke aðeins um 1% en salan á Pepsi féll hins vegar um 4,8%.
Ástæða sölusamdráttarins má rekja til þess að Bandaríkjamenn leggja nú meiri áherslu á minna kaloríuinnihald. Því hefur sala á drykkjum eins og Coke Zero og Pepsi Max aukist á kostnað sykraðri drykkja.
Þrátt fyrir að sala gosdrykkja hefur dregist saman var heildarsöluandvirði hærra árið 2010 en árið á undan sem nemur 0,4% og seldust gosdrykkir fyrir 74,2 milljarða bandaríkjadala.
Listinn yfir mest seldu gosdrykkina í Bandaríkjunum árið 2010 samkvæmt Beverage-Digest.
Sæti - Vara (Framleiðandi) - Markaðshlutdeild - Breyting milli ára
- Coke (Coke) 17.0% - -0.5%
- Diet Coke (Coke) 9.9% - -1.0%
- Pepsi-Cola (PepsiCo) 9.5% - -4.8%
- Mt. Dew (PepsiCo) 6.8% - +0.5%
- Dr Pepper (DPS) 6.3% - +2.8%
- Sprite (Coke) 5.6% - +2.0%
- Diet Pepsi (PepsiCo) 5.3% - -5.2%
- Diet Mt Dew (PepsiCo) 2.0% - +5.8%
- Diet Dr Pepper (DPS) 1.9% - +5.6%
- Fanta (Coke) 1.8% - +1.0%