Stærsti stjórnflokkur Póllands, Lög og réttlæti, sem komst til valda í kosningum í fyrra, hefur lofað að draga til baka áætlanir um takmarkanir sem flokkurinn ætlaði sér að setja á starfsemi fjölmiðla í þinginu. Munu þeir þess í stað endurvinna áætlunina.
Þúsundir hafa mótmælt á götum Póllands því sem þeir telja skerðingu stjórnvalda á fjölmiðlafrelsi í landinu en auk þess lagði stjórnarandstaðan undir sig aðalþingsal í þinghúsinu á föstudag og héldu setuverkfalli áfram um helgina. Þetta er ekki í fyrsta sinn sem ríkisstjórn Laga og réttlætis hefur sætt gagnrýni því fyrr á árinu var einnig mótmælt umdeildum herðingum á fóstureyðingarlöggjöf landsins og breytinga á stjórnlagadómstólnum.
Framkvæmdarstórn Evrópusambandsins hefur einnig haldið því fram að aðgerðir ríkisstjórnarinnar séu ekki í samræmi við hugmyndir um réttarríki sem síðar olli því að einkun landsins lækkaði hjá alþjóðlegum matsfyrirtækjum.