Mario Draghi bankastjóri Seðlabanka Evrópu sagði í dag að bankinn myndi hugsanlega eiga viðskipti á markaði til að lækka hátt álag þeirra evruríkja sem eru verst stödd fjárhagslega. Þetta kemur fram á vef WSJ.
Draghi sagði ekkert um nákvæmar fyrirætlanir seðlabankans en skilja má orð hans sem vísbendingu um að kaupa ríkisskuldabréf þessara landa á eftirmarkaði. Því hafa Þjóðverjar verið staðfastlega á móti.
Seðlabankastjórinn sagði jafnframt að bankinn væri að vinna að plani til að verja evruna. Það yrði gert hvað sem það kostar. Stýrivextir á evrusvæðinu eru áfram óbreyttir, eða 0,75%.
Viðbrögð fjárfesta við yfirlýsingum Draghi voru á einn veg, hlutabréf voru seld. Mest hafa hlutabréfavísitölur á Spáni og Ítalíu lækkað, um 2,5%. Bandarísk hlutabréf vega hins vegar salt í kringum núllið.
Uppfært 17.13.
Mikið verðfall varð á evrópskum hlutabréfum í dag. IBEX á Spáni lækkaði mest eða um 5,16%.
- FTSE 100 London -0.88%
- DAX Frankfurt -2.20%
- CAC 40 París -2.68%
- FTSE MIB Mílanó -4.64%
- IBEX 35 Madríd -5.16%
-