Dregið verður úr eftirliti á vegum hins opinbera, nái tillögur hagræðingarhóps fram að ganga. Morgunblaðið segir að skera eigi niður framlög til Matvælastofnunar og Umhverfisstofnunar. Þá verður dregið úr framlögum til utanríkisþjónustunnar og fjölmiðlanefnd lögð niður. Blaðið segir að tillögurnar verði ræddar á ríkisstjórnarfundi í dag.
Guðlaugur Þ. Þórðarson, þingmaður Sjálfstæðisflokksins, er einn þeirra sem sitja í hagræðingarhópnum. Hann segir við Morgunblaðið að endurskipuleggja þurfi utanríkisþjónustuna og landbúnaðarkerfið. Að auki þurfi að endurskipuleggja eftirlitskerfið.
