Verðbólga mældist 2,4% í Bretlandi í aprílmánuði samanborið við við 2,8% í mánuðinum á undan. Verðlækkun á eldsneyti sem smitaði út frá sér til flugfargjalda dregur úr verðbólgunni, að sögn greiningaraðila sem bjuggust ekki við jafn mikilli hjöðnun og raunin varð. Verðlækkunin vóg upp á móti verðhækkun á matvöru í kjölfar uppskerubrests af völdum kulda í Bretlandi.
Breska dagblaðið Guardian hefur eftir greiningaraðilum að hjöðnun verðbólgu auki líkurnar á að efnahagslífið taki við sér í Bretlandi og auki svigrúm Englandsbanka til að nýta þau tæki og tól sem hann hefur yfir að ráða til að hafa stýra peningamálum landsins.
Blaðið rifjar upp á vef sínum að verðbólga hafi verið yfir 2% verðbólgumarkmiðum Englandsbanka í rúm þrjú ár. Hæst mældist verðbólgan í 5,2% haustið 2011. Gert er ráð fyrir því að hún fari aftur á skrið í sumar.
