„Í dag er ódýrara að endurnýja með jarðstreng en loftlínu,“ segir Tryggvi Þór Haraldsson, forstjóri Rarik. Mörg stór verkefni eru í gangi hjá fyrirtækinu á þessu og næsta ári.
„Stærsta verkefnið á þessu ári er hluti af stærra langtímaverkefni sem reikn að er með að ljúki 2035. Verkefnið felst í að endurnýja dreifikerfi Rarik, sérstaklega til sveita, úr loftlínum í jarðstrengi. Meðalaldur mastranna og kaplanna er yfir fjörutíu ár og því kominn tími til að endurnýja kerfið.“
Hann segir gamla dreifikerfið hafa upphaflega verið byggt með beinum framlögum frá ríkinu en núna ber Rarik allan kostnaðinn af endurnýjun þess. Í dag er dreifikerfið rúmlega 8.000 kílómetrar og um 47% af því eru komin í jörð.
Tryggvi segir að á þessu ári sé kostnaðurinn við endurnýjunina 1,7 milljarðar króna og vegna nýrra lagna 1,2 milljarðar.
Rætt er við Tryggva í blaðinu Orka og iðnaður, sem fylgdi Viðskiptablaðinu í vikunni. Áskrifendur geta nálgast blaðið undir liðnum tölublöð hér að ofan
