Miðar á tónleika bandaríska tónlistarmannsins Justin Timberlake í Kórnum 24. ágúst næstkomandi kosta frá 14.990 krónum og allt upp í 24.990 krónur. Þrjú verðsvæði eru í boði. Ódýrustu miðarnir eru í stæði en þeir dýrustu í svokalla stúku A.
Í boði eru 16.000 miðar á tónleikana. Um 14.700 miðar í stæði, 800 í stúku A og 500 miðar í stúku B. Stúkurnar eru aftast í sal í Kórnum en stæðið eitt svæði, að því er fram kemur í tilkynningu.
WOW Air og Vodafone eru bakhjarlar tónleikanna. Fyrirtæki verða bæði með sérstakar forsölur fyrir viðskiptavini sína og hefst hún miðvikudaginn 5. mars kl. 10. Almenn miðasala hefst svo fimmtudaginn 6. mars kl. 10 á Miði.is .
