*

miðvikudagur, 16. júní 2021
Fólk 9. júní 2021 08:54

Ebenezer frá Borgun til Syndis

Ebenezer Böðvarsson hefur verið ráðinn til upplýsingaöryggisfyrirtækisins Syndis. Starfaði áður hjá Borgun í áratug.

Ritstjórn
Ebenezer Böðvarsson, nýr starfsmaður Syndis.
Aðsend mynd

Ebenezer Böðvarsson hefur verið ráðinn til upplýsingaöryggisfyrirtækisins Syndis. Greint er frá ráðningu hans í fréttatilkynningu.

Í tilkynningunni segir að Ebenezer, sem var áður upplýsingaöryggisstjóri Borgunar í 10 ár, hafi mikla reynslu í stjórnun upplýsingaöryggismála og búi yfir afar víðtækri þekkingu á upplýsingatækni og hugbúnaðarþróun. Hjá Syndis muni hann leggja áherslu á ráðgjöf varðandi upplýsingaöryggisstjórn og öryggismenningu hjá viðskiptavinum.

Ebenzer er m.a. faggiltur upplýsingaöryggisstjóri (CISM) og Certified Ethical Hacker (CEH). Hann hefur langa reynslu af PCI Internal Security Assessor (PCI-ISA) og ISO/IEC 27001 aðferðafræði. Þá er hann reyndur fyrirlesari um upplýsingaöryggi.