*

miðvikudagur, 19. júní 2019
Fólk 8. apríl 2019 10:44

Edda Rut til Eimskips

Edda Rut Björnsdóttir hefur verið ráðin markaðs- og samskiptastjóri Eimskips.

Ritstjórn
Haraldur Guðjónsson

Edda Rut Björnsdóttir hefur verið ráðin markaðs- og samskiptastjóri Eimskips. Greint er frá þessu í fréttatilkynningu.

Edda Rut hefur 20 ára fjölbreytta reynslu af vinnumarkaði. Hún starfaði í upplýsingatæknigeiranum um árabil en síðustu 12 ár hefur hún starfað hjá Íslandsbanka m.a. í markaðsdeild en nú síðast sem forstöðumaður á Fyrirtækja- og fjárfestasviði bankans. Þar hefur hún m.a. unnið að markaðsmálum, viðburðum, vöruþróun, upplýsingatækni ásamt sölu- og þjónustumálum gagnvart stærstu viðskiptavinum bankans. 

„Við erum mjög ánægð að fá Eddu Rut til liðs við Eimskip. Hún hefur fjölbreytta reynslu sem mun nýtast vel þar sem við erum að sameina alla málaflokka sem falla undir markaðs- og samskiptamál, þar með talið fjárfestatengsl, á eitt svið," segir Vilhelm Þorsteinsson forstjóri Eimskips.

Edda Rut er með BSc. í viðskiptafræði með áherslu á tölvunarfræði frá Háskólanum í Reykjavík.

Edda Rut er gift Tryggva Björnssyni framkvæmdastjóra og eiga þau fjórar dætur. 

25 ára afmælistilboð VB – 50% afsláttur af áskrift

Afmælistilboð VB

Viðskiptablaðið er 25 ára og af því tilefni býðst nýjum áskrifendum að kaupa áskrift á 50% afslætti.
Afmælisverðið er aðeins 2.500 krónur.

Tilboðið er fyrir nýja áskrifendur. Núverandi áskrifendur geta bætt við sig áskrift á þessu verði. Gildir í 4 mánuði. Áskrifendur fá Viðskiptablaðið, Frjálsa verslun og Fiskifréttir sent ásamt vefaðgangi að vb.is og fiskifrettir.is