Trúverðugleiki herbergisþernurnar sem kærði Dominique Strauss-Kahn fyrir kynferðislega áreitni og nauðgunartilraun hefur vakið upp efasemdir. The New York Times greindi frá þessu í morgun.
Blaðið hefur eftir heimildarmönnum innan lögreglunnar í New York borg að saksóknarar leggi ekki trúnað í sögu herbergisþernunnar og gruni hana um ósannsögli.
Strauss-Kahn er í haldi í þriggja hæða raðhúsi við Franklin Street 153 í New York borg.
