Breska lögreglan hefur handtekið rússneska kaupsýslumanninn Vladimir Antonov og litháenskan viðskiptafélaga hans. Er sagt frá þessu á visir.is.

Yfirvöld í Litháen gáfu út handtökuskipun á hendur þeim í gær eftir að í ljós kom að um 300 milljónir evra eða 48 milljarðar króna af eignum Snoras bankans eru horfnar.

Antonov og félagi hans voru eigendur bankans, sem er sá fjórði stærsti í landinu. Í Bretlandi er Antonov þekktur sem eigandi enska knattspyrnuliðsins Portsmouth.