Eignir tónlistarmannsins David Robert Jones, eða David Bowie, eru metnar á um 100 milljónir Bandaríkjadala, eða jafnvirði um 13 milljarða króna.
Iman, eiginkona Bowie, mun erfa íbúð í New York og um helming eignanna. Tvö börn Bowies munu erfa hinn helminginn. Corinne Schwab, aðstoðarkona Bowie, fær tvær milljónir dala og fyrrverandi barnfóstra hans fær eina milljóna dala.
Þetta kemur fram í erfðaskrá hans sem hefur verið birt fyrir dómi í New York.
Í erfðaskránni kemur fram að Bowie vilji láta dreifa ösku sinni í Balí samkvæmt reglum búddista.