Um 260 þúsund króna tap varð af rekstri hvalasafnsins á Fiskislóð á árinu 2014 samkvæmt ársreikningi félagsins IWE ehf., sem heldur utan um rekstur safnsins,félagið hefur ekki skilað ársreikningi fyrir síðasta ár. Frá þessu var greint á síðu mbl.is í dag.
Safnið var opnað í febrúar 2015 og nær því ársreikningurinn til þess tímabils þar sem unnið var að uppsetningu á sýningunni.
Allur kostnaður vegna sýningarinnar og uppsetningu hennar var eignfærður á árinu 2014 en samkvæmt ársreikningi nema eignir félagsins samtals 349 milljónum króna. Þar af eru varanlegir rekstrarfjármunir metnir á 225 milljónir króna. Óefnislegar eignir eru metnar á 98 milljónir króna.
Skuldir félagsins námu í árslok 249 milljónum króna og eigið fé félagsins nam í árslok 99,7 milljónum króna samkvæmt efnahagsreikningi, en þar af nemur hlutafé félagsins 69,1 milljón króna.
