Þó að Skúli Gunnar Sigfússon sé helst þekktur fyrir rekstur Subway staðanna hefur hann á síðustu árum verið að færa sig upp á skaftið í öðrum geirum. Til að mynda stendur til að opna hótel í Hafnarstræti 17 og 19 næsta vor sem hann segir vera mjög spennandi verkefni á besta stað í miðbænum. „Ég hef gríðarlega trú á miðbænum, að hann muni styrkjast og eflast á næstu árum og hef áhuga á hótelframkvæmdum í miðbænum," segir Skúli. Hann segist hafa áhuga á fleiri verkefnum í miðbænum, en vil þó ekki gefa upp á þessu stigi hvaða verkefni það eru.
Skúli á fasteignafélagið Sjöstjarnan ehf. sem er í eigu Leitis eignarhaldsfélags. Hann á alla hluti í félaginu, en samkvæmt heimildum Viðskiptablaðsins á Sjöstjarnan fasteignir sem eru metnar á u.þ.b. 3,5 milljarða króna og er fyrirhuguð hótelbygging í Hafnarstræti ekki þar með talin.
Meðal annarra verkefna sem Skúli er með í gangi eru 25.000 tonna laxeldi og eldfjallasetur á Hvolsvelli.
Ítarlegt viðtal er við Skúla um Subway, fjárfestingar og fleira í Viðskiptablaðinu, sem kemur út á morgun. Meðal annars efnis í blaðinu er:
- Minni spenna í uppgjöri Arnalds
- Mörg samrunamál bíða úrlausnar
- Bankaráð Seðlabankans tekur afstöðu um lögfræðikostnað Más Guðmundssonar í næstu viku
- Allt getur gerst í Skotlandi
- Íslensk tónlist er vinsæl meðal ferðamanna
- Rafmagnsvespur verða skráningarskyldar
- Framlög til vísinda og nýsköpunar aukin um 2,6 milljarða
- Hrönn Sveinsdóttir hjá RIFF segir ekkert vit í því að bíða
- Bandarísk fyrirtæki flýja land
- Frí er ekki til í orðabók Viktoríu Jensdóttur hjá Skiptum
- Óðinn fjallar um sjálfstætt Skotland og Ísland
- Tý eru mótmæli gegn skattabreytingum hugleikin
