Úrvalsvísitala Nasdaq Iceland, það er OMX Iceland 8 vísitalan, breytist um áramótin þegar HB Grandi fer út úr henni og Eik fasteignafélag hf. kemur nýtt inn í vísitöluna í þess stað.
Þetta kemur fram í tilkynningu frá kauphöllinni í kjölfar endurskoðunar sem gerð er tvisvar á ári, og tekur hún gildi 2. janúar 2017.
Vísitalan er samsett af þeim átta félögum sem hafa mestan seljanleika á Nasdaq Iceland. Ræðst vægi félaga í OMX Iceland 8 vísitölunni af flotleiðréttu markaðsvirði, sem þýðir að einungis það hlutafé sem ætla má að myndi grunn að virkum viðskiptum á Nasdaq Iceland er hluti af vísitölnni.
Þau félög sem verða í vísitölunni frá og með áramótum verða eftirfarandi:
- Eik fasteignafélag hf. (EIK)
- Eimskipafélag Íslands hf. (EIM)
- Hagar hf. (HAGA)
- Icelandair Group hf. (ICEAIR)
- Marel hf. (MARL)
- N1 hf. (N1)
- Reitir fasteignafélag hf. (REITIR)
- Síminn hf. (SIMINN)