*

þriðjudagur, 23. júlí 2019
Innlent 29. apríl 2019 12:58

Eimskip segir upp 15 manns

Hluti starfsemi TVG-Zimsen sameinast inn í aðrar einingar hjá Eimskip og flyst restin inn í Vöruhótelið.

Ritstjórn
Vil­helm Már Þor­steins­son tók við sem forstjóri Eimskipafélags Íslands í byrjun árs.
Haraldur Guðjónsson

Eimskip mun fækka stöðugildum um 15 hjá fyrirtækinu sem og dótturfélaginu TVG-Zimsen sem taka gildi frá og með 2. maí næstkomandi. Er fækkunin samhliða skipulagsbreytingum sem meðal annars felast í að sameina þrjár mismunandi aksturstýringardeildir hjá félögunum í eina einingu.

Eru breytingarnar sagðar snúa að samþættingu hluta af stoðeiningum félagsins í öflugar miðlægar einingar og skerpa á áherslum í þjónustu við viðskiptavini.

Þannig mun hluti stoðeininga TVG-Zimsen sameinast sambærilegum einingum Eimskip og annar hluti starfseminnar mun flytjast yfir í Vöruhótelið síðar í sumar. Eftir sem áður verður TVG-Zimsen rekið sem sjálfstætt dótturfélag Eimskip.

Stikkorð: Eimskip TVG-Zimsen Vöruhótel