Íslensk verðbréf hafa ráðið Einar S. Oddsson í starf sérfræðings í verðbréfamiðlun.
Einar hefur undanfarin ár verið framkvæmdastjóri og annar stofnenda Questor ehf., sem sérhæfir sig í öflun og greiningu fjárhagsupplýsinga fyrirtækja í samstarfi við Kóða ehf. Einar var auk þess á árunum 2008 til 2015 forstöðumaður markaðsviðskipta hjá World Financial Desk LLC í New York, en fyrirtækið stundar hátíðniviðskipti með skuldabréf og afleiður á rafrænum mörkuðum í Bandaríkjunum, Bretlandi og Ástralíu.
Einar er með M.A. í hagfræði frá Fordham University í New York og B.A. í hagfræði frá Adelphi University í sömu borg.