Ekki er víst hvort þeir sem sitja í skilanefndum föllnu bankanna muni starfa áfram, eftir að skilanefndirnar verða lagðar niður um næstu áramót, eins og lög frá síðasta sumri kveða á um. Slitastjórnir munu þá taka við verkefnum nefndanna og yfirstjórnum þrotabúanna mun því fækka.
Samkvæmt upplýsingum frá Kaupþingi og Landsbankanum (LBI) mun tilfærsla verkefna hafa lítil áhrif á almenna starfsemi þrotabúanna. Innan þrotabúanna þriggja, Glitnis, Kaupþings og LBI, liggur þó ekki nákvæmlega fyrir hvernig breytingin verður útfærð, sérstaklega er varðar hlutverk núverandi skilanefndarmanna.
Nánar er fjallað um skilanefndirnar í Viðskiptablaðinu sem kom út í gær. Áskrifendur geta nálgast blaðið hér að ofan undir liðnum Tölublöð.
