Endanlegar tillögur Samráðsvettvangs um aukna hagsæld eiga að liggja fyrir í september næstkomandi. Tveir til þrír fundir verða haldnir fram að þeim tíma, sá næsti í fyrri hluta maí mánaðar, að loknum alþingiskosningum. Fjórir vinnuhópar vinna að næstu tillögum sem snúa að rekstri hins opinbera, auðlindageiranum, alþjóðlega geiranum og innlenda þjónustugeiranum.
Samráðsvettvangurinn, sem samanstendur af leiðtogum allra stjórnmálaflokka á þingi, forstjórum stórra fyrirtækja og forystu mönnum á vinnumarkaði, hittist í annað sinn í síðustu viku. Þar voru kynnt háleit markmið um uppgang efnahagslífsins til 2030 og mikla lækkun ríkisskulda. Fjallað var um tillögurnar í síðasta tölublaði Við skiptablaðsins og greint frá þeim níu leiðum sem lagðar voru til.
Ragna Árnadóttir, formaður sam ráðsvettvangsins, segir að á fundinum hafi verið farið yfir efni til lagnanna og kostur gefist á að bera fram sín sjónarmið og gera athugasemdir. Atkvæðagreiðsla var haldin um tillögurnar og samkvæmt upplýsingum Viðskiptablaðsins voru þær „samþykktar“. Ragna segir þó að atkvæðagreiðslan hafi ekki á neinn hátt verið skuldbindandi og hafi aðeins verið lausleg skoðanakönnun á hljómgrunni tillagnanna.
Nánar er fjallað um málið í Viðskiptablaðinu. Áskrifendur geta nálgast blaðið undir liðnum tölublöð hér að ofan.