Elizabeth Holmes, stofnandi Theranos, mun hefja afplánun í dag en hún var dæmd í ellefu ára fangelsi fyrir fjársvik í nóvember á síðasta ári.
Hún hefur gengið laus síðan dómurinn féll en átti að fara í fangelen húnsi í lok apríl. Þar sem hún áfrýjaði óskaði hún eftir því að fá að ganga laus þar til áfrýjunin yrði tekin fyrir.
Dómari hafnaði þessari beiðni hennar í lok apríl og var Holmes skipað að skila sér í steininn.
Holmes ætlaði að gjörbylta blóðprufum með nýrri tækni sem fyrirtækið sagðist hafa þróað og gerði mögulegta að gera hundruð mismunandi rannsókna úr einu blóðdropa.
Á tímabili var markaðsvirði Theranos metið á 9 milljarða dollara eða ríflega 1.200 milljarða króna.
Meðal fjárfesta var lyfjaverslunarrisinn Walgreens, fjölmiðlajöfurinn Rupert Murdoch, og Larry Ellison, meðstofnandi tölvutæknirisans Oracle.
Í stjórn félagsins áttu meðal annars sæti Jim Mattis, sitjandi varnarmálaráðherra bandaríkjanna, og Henry Kissinger og George Schultz, fyrrverandi utanríkisráðherrar, auk hins þekkta lögfræðings David Boies.
Síðar kom í ljós að fyrirtækið var byggt á sandi. Holmes sökuð og síðar sakfelld fyrir að hafa blekkt fjárfesta og vísvitandi logið til um áreiðanleika rannsókna, sem hafði skilaði villukenndum niðurstöðum og lagt sjúklinga í hættu.
