Elon Musk sem er stofnandi og forstjóri bæði Tesla og SpaceX hefur sett á stofn nýtt fyrirtæki sem ber nafnið Neuralink. Hugmyndin á bakvið fyrirtækið er að þróa tækni sem tengir heila mannfólks við tölvur. Wall Street Journal greindi fyrst frá.
Þetta staðfesti Elon Musk í gær á Twitter. Hann sagði að hægt væri að búast við meiri umfjöllun um fyrirtækið á næstu misserum. Tæknin sem fyrirtækið stefnir nú að því að hanna gæti bætt minni fólks og gefur mannfólki aukna gervigreind.
Long Neuralink piece coming out on @waitbutwhy in about a week. Difficult to dedicate the time, but existential risk is too high not to.
— Elon Musk (@elonmusk) March 28, 2017
Í grein WSJ kemur fram að vísindamenn með mikla sérfræðiþekkingu í greininni taki þátt í rannsóknum fyrirtækisins, en fjármagnið kemur úr vasa Musks. Max Hodak er meðstofnandi fyrirtækisins.