Í desember 1985 keypti íslenska ríkið hús Mjólkursamsölunnar við Laugaveg undir Þjóðskjalasafn Íslands. Staðgreiðsluverð hússins var metið 75 milljónir króna, eða sem samsvarar um 740 milljónum á núvirði miðað við byggingarvísitölu.
Alla tíð síðan hefur verið unnið að endurbótum á húsnæðinu og hafa þær kostað um 1,2 milljarða króna á núvirði frá árinu 1994. Þessum endurbótum virðist alls ekki vera lokið. 4,2 milljarðar króna munu fara í framkvæmdir við húsnæði Þjóðskjalasafns Íslands á næstu sex árum samkvæmt drögum að framkvæmdaáætlun sem Viðskiptablaðið hefur undir höndum.
Mesti kostnaðurinn er vegna nýbyggingar í portinu á milli safnhúsanna, sem mun tengja skrifstofuálmu safnsins á vesturhluta svæðisins við skjalageymslur þess á austurhlutanum. Nýbygging þessi mun kosta 3,7 milljarða króna samkvæmt framkvæmdaáætluninni.
Segir upphæðirnar ótrúlegar
Spurður um þær fjárhæðir sem áætlað er að verja í uppbyggingu við Þjóðskjalasafnið segir Guðlaugur Þór Þórðarson, varaformaður fjárlaganefndar, að um ótrúlegar upphæðir sé að ræða.
Nánar er fjallað um málið í Viðskiptablaðinu. Áskrifendur geta nálgast pdf-útgáfu af blaðinu með því að smella á hlekkinn Tölublöð .
