Icelandair hefur gengið frá lánasamningi að fjárhæð 4,3 milljarðar króna eða 35 milljónir Bandaríkjadala við bandaríska bankann CIT Bank til fimm ára. Um er að ræða endurfjármögnun í kjölfar uppgreiðslu skuldabréfaflokks félagsins fyrr á þessu ári. Þetta kemur fram í tilkynningu frá félaginu.
Haft er eftir Evu Sóleyju Guðbjörnsdóttur, framkvæmdastjóra fjármálasviðs, að fjármögnunin renni „enn styrkari stoðum undir góða fjárhagsstöðu Icelandair Group. Það er ánægjulegt að fá svo reyndan fjármögnunaraðila að borðinu sem deilir trú okkar á framtíðarhorfur félagsins.”
