Sautján sóttu um starf forstjóra Bankasýslu ríkisins þegar það var auglýst laust til umsóknar á nýjan leik. Þegar starfið var auglýst í fyrra skiptið í haust sóttu fjórir um það.
Umsóknarfrestur um starfi rann út 27. nóvember sl. Fram kemur í frétt frá Bankasýslunni að fjórir umsækjendur hafi dregið umsókn sína til baka.
Af sautján umsækjendum eru tveir sem sækja um það á nýjan leik. Það eru þeir Karl Finnbogason, sérfræðingur hjá Bankasýslunni, og Ólafur Örn Ingólfsson viðskiptafræðingur. Páll Magnússon og Kolbrún Jónsdóttir sækja ekki um starfið á ný. Engin kona er í hópi umsækjenda nú.
Umsækjendur eru:
- Baldur Pétursson, ráðgjafi
- Benedikt Guðmundsson, verkfræðingur
- Björgólfur Thorsteinsson, ráðgjafi
- Jón Jónsson, Bs.
- Karl Finnbogason, staðgengill forstjóra
- Kjartan Gunnarsson, skrifstofustjóri
- Ólafur Örn Ingólfsson, viðskiptafræðingur
- Snorri Jakobsson, sérfræðingur
- Stefán Jónsson, viðskiptafræðingur
- Sveinn Óskar Sigurðsson, viðskiptafræðingur
- Vilhjálmur Bjarnason, lektor
- Þórður Jónsson, viðskiptafræðingur
- Þorsteinn Fr. Sigurðsson, rekstrarhag- og lögfræðingur
