Félagið Vogun og Arion banki eiga samanlagðan 73,5% hlut í HB Granda, samkvæmt hluthafalista félagsins. Útgerðin sendi frá sér hluthafalista í dag vegna umfjöllunar um stóra eigendur félagsins upp á síðkastið. Í tilkynningu HB Granda segir að engin viðskipti hafa átt sér stað með hlutafé í félaginu undanfarið.
Í síðustu viku greindi Viðskiptablaðið frá því greint að þau Kristján Loftsson, forstjóri Hvals, Birna Loftsdóttir og Sigríður Vilhjálmsdóttir hafi keypt eignarhluti þeirra Ingibjargar Björnsdóttur og Kristínar Vilhjálmsdóttur í Fiskveiðahlutafélaginu Venusi. Ingibjörg er ekkert Árna Vilhjálmssonar, fyrrverandi stjórnarformanns HB Granda en hann lést í vor. Saman áttu fjölskyldur þeirra Kristjáns og Árna stóran hlut í HB Granda og Hval í gegnum tengd félög.
Fiskveiðahlutafélagið Venus á m.a. félagið Vogun sem aftur á 40,3% hlut í HB Granda. Félagið á jafnframt 37,9% hlut í Hampiðjunni sem aftur á 9,4% hlut í HB Granda. Fiskveiðahlutafélagið Venus á svo 3,42% hlut í Granda.
Hluthafalisti HB Granda
- Vogun - 40,3%
- Arion banki - 33,2%
- Hampiðjan - 9,4%
- TM fé ehf - 5,5%
- Fiskveiðahlutafélagið Venus 3,4%
- Ingimundur Ingimundarson - 2,8%
- Lífeyrissjóður verslunarmanna - 2,3%
- Landsbréf - Úrvalsbréf - 0,8%
- Ingibjörg Björnsdóttir - 0,4%
- Landsbréf Öndvegisbréf - 0,2%
- Aðrir hluthafar - 1,7%