Daria Podenok og Carlos Prieto Casquero eru nýir starfsmenn The Engine, sem er dótturfélag Pipar\TBWA, og hafa þau nú þegar hafið störf.Þetta kemur fram í tilkynningu.

Daria Podenok  er samfélagsmiðlasérfræðingur. Hún er með M.A. í blaðamennsku frá Ríkisháskólanum í Moskvu. Hún starfaði áður sem markaðsstjóri hjá Guide to Iceland.

Carlos Prieto Casquero er sérfræðingur í stafrænni markaðssetningu. Hann er með M.A. í sögu og norrænni bókmenntafræði frá Háskólanum í Tübingen í Þýskalandi. Hann starfaði áður hjá Snælandi Grímssyni ehf. þar sem hann starfaði við sölu, vefumsjón, og hafði umsjón með leitarherferðum hjá fyrirtækinu.