Enginn áhugi er á íslensku ríkisbönkunum, Íslandsbanka og Landsbanka. Þetta staðfestir Bjarni Benediktsson fjármálaráðherra í samtali við Morgunblaðið .
„Við bíðum þess að það komi tillaga frá Bankasýslu ríkisins um að hefja söluferli bankanna, en slík tillaga hefur enn ekki borist. Ferlið fer ekki af stað fyrr en tillagan hefur verið lögð fram. Það er erfitt að segja til um hvenær það verður,“ segir Bjarni.
Hann segir jafnframt að þess sé beðið að tillaga um sölu bankanna berist frá Bankasýslu ríkisins. Enn bólar ekkert á slíkri tillögu.
Spurður í Morgunblaðinu í dag hvort hann telji að verðmæti bankanna geti rýrnað á næstu árum með tilkomu fjártækni, segir hann að ekki sé hægt að útiloka það.
