Englandsbanki varaði í morgun við því að markaðurinn og fjárfestar væru svartsýnni á efnahags Evrópulanda en undanfarna mánuði.
Bankinn segir að sérfræðingar hafi verið vongóðir í júní og júlí að rætast myndi úr efnahag Evrópulanda. Í ágúst hafi þeir hins vegar orðið svartsýnir að nýju. Independent greindi frá þessu í morgun.
Aðvaranir bankans koma í kjölfar mikilla áhyggja af Írlandi. Írsk stjórnvöld neyddust í síðustu viku til að segjast ekki ætla að óska eftir aðstoð Alþjóða gjaldeyrissjóðsins. Var það gert í framhaldi af hækkandi skuldatryggingarálagi á skuldir írska ríkissjóðsins. Er skuldatryggingarálagið á Írland nú hærra en á Ísland.