Kostnaður við að byggja nýjar íbúðir á höfuð borgarsvæðinu er enn að meðaltali hærri en kaupverð, þrátt fyrir að fasteignaverð hafi farið mjög hækkandi að undanförnu. Þetta þýðir að hvati til nýbygginga er ekki til staðar nema í dýrari hverfum miðsvæðis, en þar hefur þó nokkuð verið í byggingu undanfarið.
Hvati til byggingar sérbýlis er enn minni, þar sem byggingarkostnaður er yfir kaupverði jafnvel í dýrustu hverfum.
Eygló Harðardóttir, félags- og húsnæðismálaráðherra, segir að verið sé að hefjast handa við að endurskoða byggingarreglugerð til þess að hægt verði að lækka byggingarkostnað íbúðarhúsnæð is. Lækkuðum byggingarkostnaði er ætlað að svala viðvarandi umframeftirspurn eftir húsnæði á höfuðborgarsvæðinu.
Nánar er fjallað um málið í Viðskiptablaðinu. Áskrifendur geta nálgast pdf-útgáfu af blaðinu með því að smella á hlekkinn Tölublöð .