Skuldatryggingaálag viðskiptabankanna þriggja hélt áfram að hækka í kjölfar óvissu á mörkuðum.
Álagið á Landsbankann hækkaði um 6% en um 3% hjá hinum tveimur, samkvæmt upplýsingum frá Bloomberg.
Þetta er mun minni hækkun en fyrir tveimur dögum þegar það rauk upp um 10-20%; mest hjá Landsbankanum en minnst hjá Kaupþingi.
Sérfræðingar segja við Viðskiptablaðið að eiginleg viðskipti stjórni ekki hækkunum heldur fari tilboð í kerfið sem aldrei verði að viðskiptum.