Norvest, einkahlutafélag fjárhagslega tengt Brynju Halldórsdóttur, stjórnarmanni í Kauþingi banka jók í dag eignarhlut sinn í bankanum í 2,49% úr 2,39%, segir í tilkynningu til Kauphallar Íslands.
Í gær keypti Novest 500 þúsund hluti í bankanum og í dag námu viðskiptin 655 þúsund hlutum. Í tilkynningunni til Kauphallarinnar segir að Brynja Halldórsdóttir eigi 9.206 hluti í bankanum og að aðilar fjárhagslega tengdir henni eigi samtals 18.761.637 hluti eftir viðskiptin.
Gengi bréfa Kaupþings banka hækkaði um 8,33% í dag og var lokagengi bréfanna 650 krónur á hlut.
Brynja Halldórsdóttir er varamaður í stjórn Norvest ehf. Eigandi Norvest ehf. er Straumborg ehf.
