OMXI8 vísitala kauphallar Nasdaq á Íslandi lækkaði um 0,14% í viðskiptum dagsins í Kauphöllinni, en veltan í viðskiptum dagsins nam 1 milljarði króna.
Verð á hlutabréfum í Icelandair lækkaði mest eða um 2,42% í 90 milljóna króna viðskiptum. Síminn lækkaði næst mest eða um 1,98% i 224 milljóna króna viðskiptum.
Aðeins eitt félag hækkaði um meira en 1% á markaði í dag en það var Hagar. Hækkuðu bréf félagsins um 1,04% í 193 milljóna króna viðskiptum.
