Úrvalsvísitala kauphallar Nasdaq Iceland lækkaði um 0,12% í dag og endaði í 1,799 stigum. Frá áramótum hefur vísitalan hækkað um 37,28%.
Í dag hækkaði mest gengi bréfa TM um 1,09% í 242 milljóna króna viðskiptum. Gengi bréfa Haga hækkaði um 0,34% í viðskiptum sem hljóðuðu upp á 182 milljónir króna.
Gengi bréfa Icelandair stóð í stað þrátt fyrir 631 milljóna króna viðskipti.
Mest lækkaði gengi bréfa Reita um 0,85% í 206 milljóna króna viðskiptum. Þar á eftir kemur Vodafone, en gengi bréfa fyrirtækisins lækkaði um 1,65% í viðskiptum upp á 172 milljónir króna.
Heildarvelta á hlutabréfamarkaði í dag var rúmir 2,2 milljarðar króna. Heildarvelta á skuldabréfamarkaði var 7,6 milljarðar króna.
Hlutabréfavísitala GAMMA lækkaði um 0,1% í dag í 2 milljarða króna viðskiptum.
Skuldabréfavísitala GAMMA lækkaði um 0,4% í dag í 6,6 milljarða viðskiptum. Verðtryggði hluti vísitölunnar lækkaði um 0,5% í 0,9 milljarða viðskiptum og óverðtryggði hluti vísitölunnar lækkaði um 0,1% í 5,7 milljarða króna viðskiptum.
