*

mánudagur, 9. desember 2019
Innlent 21. október 2019 11:39

Enn slær í baksegl Boeing

Spjótin standa enn og aftur á stjórnendum Boeing eftir að efasemdum flugmanna um Max kerfið lak í fjölmiðla.

Ritstjórn
Eigendur um 400 MAX 737 flugvéla bíða þess óþreyjufullir að kyrrsetningu þeirra verði aflétt.
epa

Samskipti flugmanna Boeing þar sem þeir ræða efasemdir sínar um MCAS-kerfið í Max þotunum var lekið í fjölmiðla síðastliðin föstudag. Samskiptin eru þriggja ára gömul en flugslysin tvö þar sem 346 manns létu lífið eru rakin til MCAS-kerfisins og hefur því vakið mikla athygli. Greint er frá þessu á fréttavefnum turisti.is þar sem jafnframt kemur fram að bandaríska flugmálaeftirlitið (FAA) hafi í kjölfar fréttanna krafist skýringa á því hvers vegna félagið hafi ekki upplýst yfirvöld um efasemdir flugmannanna. 

Boeing sendi frá sér yfirlýsingu um helgina þar sem þeir harma að málið hafi ratað í fréttir án skýringa. Segir í yfirlýsingunni að efasemdir flugmannanna um kerfið hafi beinst að flughermi sem var til prófunar á þessum tíma en ekki að MAX þotunum. 

Málið þykir engu að síður hið vandræðalegasta fyrir Boeing og gæti mögulega frestað enn frekar að kyrrsetning vélanna verði aflétt. 

Stikkorð: Boeing kyrrsetning Max 737