Þýska hagkerfið hefur ekki tekið dýpri dýfu niður á við í sjö ár, að því er kemur fram á fréttavef Bloomberg . Samdráttur í iðnframleiðslu haldi áfram og aukinn þrýstingur er á stjórnvöld um að grípa til aðgerða til að vega á móti samdrættinum.

Miðað við síðustu hagtölur hefur framleiðsla í verksmiðjum Þýskalands ekki dregist jafnmikið saman í meira en áratug. Þá sé áhrif samdráttarins í framleiðslugreinum farin að gæta á vinnumarkaði og að samanlögðu séu vísbendingar um að stærsta hagkerfið í Evrópu sé á renna inn í samdráttarskeið.

Gengi evrunnar lækkaði í kjölfar þessara tíðinda og veiktist um 0,3% gagnvart dollar í gær. Þá féllu hlutabréfverð víðast hvar í Evrópu og féll þýska vísitalan Stoxx 600 um eitt prósent í Kauphöllinni í Frankfurt.

Bloomberg segir greinendur skrifa versnandi horfur á hækkun tolla, erfiðleika í bílaframleiðslu og óvissuna í tengslum við Brexit. Að samanlögðu séu þessir þættir líklegir til að gera vonir um hagkerfið vaxi frekar á árinu að engu.